Siman pasa, pa esunnan cu a les’e, e entrevista di e hoben cu a acerca Bon Dia pa papia tocante studiantenan cu ta topa cu hopi retraso cu nan estudio a haya hopi atencion. Aunke mino a mete den ningun discusion, manera un bon media scout mi a lesa hopi diferente commentario. En particular esun cu a yama mi atencion ta di un homber cu a comenta cu e ta wonder si studiantenan di otro regionnan ta struggle mesun hopi cu esunnan di Aruba pa haal nan diploma. Pero manera e studiante di Aruba mes a comenta den e entrevista, tur studiante nan jornada ta diferente. Ademas, tin letterlijk un cos cu yama biodiversidad, cual kiermen cu niun hende na mundo y nada den naturalesa ta wordo crea mesun cos. Nos tabay contra naturalesa ora nos kier haci tur hende mescos, of trata tur na un manera igual. Esaki bo ta wak principalmente, desde comienso den curicculum nan di scol, cu obviamente no ta traha pa tur mucha. Pero toch mayornan mes ta forsa e mucha pa yena un cierto standard y ora nan no cumpli cu esaki, e ora si mester dividinan pa categoria. Siendo cu nan potencial por a wordo eleva desde trempan, si solamente nan lo topa cu un curicculum cu lo adapta na nan y no vice versa.

Por ay mi a wak skirbi cu hopi biaha e “A” student ta caba na traha pa e “C” student y e “B” student ta caba na traha pa gobierno. Ta berdad cu scol ta un sistema diseña pa haci nos manso y robotnan cu ta haci manera nan ta wordo instrui. E ta pa un motibo cu hende cu mas recurso ta manda nan yiunan insititutonan priva. Y e no ta un concidencia cu hobennan cu den un manera  ta“shake up” things, durante nan careranan escolar ta net esunnan cu ta beat e sistema y obtene exito. Maar goed, tur esey ta bijzaak. Locual di berdad ta importante pa remarca ta cu na Hulanda, mayoria di studiante ta struggle sin importa di cual region nan ta bin. Y mi ta bisa esaki pasobra ami mes ta haciendo un carera na Ingles y tin ora mi ta sinta cu te hasta 10 diferente nacionalidad den un klas y si mi cuminsa bisa cuanto problema studiantenan ta encontra na e pais aki mi no lo caba ni awe, ni mañan.

Studia na Hulanda ta un business y e ta wordo trata como tal tambe. Tin landlords cu no kier nada di haber cu huur na studiantenan international. E studenten huizen nan tin mil y un tipo di rekisito pa tuma studiante tambe y esunnan Hulandes semper ta haya preferencia. Mi a topa cu studiantenan cu a te hasta bolbe nan pais pasobra nan no por a haya un luga stabil pa biba y e stress di muda constant tabata haci cu nan no por siña. Tin esunnan cu ta vocal tocante e maltrato cu nan ta ricibi na man di e Hulandesnan y tin esunnan cu simplemente no ta fit cu e sistema universitario y ta end up ta drop out. Claro cu na Aruba, bo ta tende e banda di studiante Arubiano so. Pero mi por garantisa bosonan mi hendenan, we’re all struggling here pasobra careranan universitario simplemente no ta algo facil pa deal cu’ne.
Y aun asina, mi ta tribi di bisa cu esunnan cu ta sufri mas ta keda e studiante Caribense. No solamente pasobra nos no ta e preferinan di e Hulandesnan, no solamente pasobra nos tin un contexto cultural diferente. Sino pasobra nos no por afford bay cas mesun hopi cu e otronan den region. Mientras cu esunnan Hulandes por bay su cas tur weekend y haya sosten, esun di
Alemania por bay Stuttgard pa 80 euro, esun di Spaña por bay Madrid pa 50 euro, E studiante Caribense mester busca cu kico yena tur su dianan, pasobra bay cas pa un rato simplemente no ta opcion. Nos ta hende di tur hende y mientras cu esey ta haci nos amabel, e ta nos downfall tambe.

Leave a Reply

Your email address will not be published.