ORANJESTAD – Mi hendenan! Con cos ta yiu? Casi un luna bek riba e isla y mi preocupaccion cu e costo di bida na Aruba ta sigui crese. Kidia mi a paga 9 florin pa un saco di chips grandi y mi mester a puntra mi mes ta kico ta pasando? Ken ta controlando prijs? Nos mester un solucion y nos mester un solucion awo.

Politiconan na luga di tira fiesta pa hende bin gosa, dicon nan no ta haci obranan di caridad? Dicon ministernan cu nan crew no ta drenta e barionan di mas vulnerabel parti cos di scol pa muchanan di mayornan cu no tin modo di cumpra pa nan? Dicon nan no ta cana parti macuto cu cuminda pa ciudadanonan cu no tin moda di cumpra? Dicon tanto fiesta tur caminda? Ki tanto tin di celebra? Mi no a get e joke? Ta ami so ta bobo? Ta ami so por wak cuanto necesidad tin tur caminda? Nos debe? Pobresa? cu 200 mucha no a haya luga na un mavo? E tram cu ta lever niks uit? San Nicolas su decadencia? Hallo! 

 

Y misa cu si politiconan tuma mi word of advice y cuminsa haci drechi, tambe hende lo critica. Mi ta sigur cu hende lo bisa “ahn si, wak e ta hasi bon pa Facebook wak”. Pero na final di dia, tur e muchanan cu haya nan cosnan di scol lo keda contento y esey ta locual ta mas importante. Papiando pa mi mes, mi por bisa cu un potret di un politico entregando un tas di scol na un mucha, lo haci mi 20 biaha mas feliz cu bay djo djo na green square okay?!

Mi escritora favorito, esta Alysia Harris un dia a bisa “its time we stop making politics about politics and start making politics about people”. Mi ta kere cu hende a lubida cu e parti mas importante di politica ta bienestar general.  Aminosa riba kico nos politiconan ta, tin paar cu mi ta wak y djies puntra mi mes “Ma bon, bono tin cuero di cara? tur bo dirty laundry a sali y ainda bo ta cana hari cu hende?”. Pero bon, who am I to judge? Kico misa na final di dia? Mi ta djies un mujer cu un opinion.

Boso tur sa cu mino ta fan di Hulanda, cu mi ta loco pa caba mi estudio mi bin causa furor kibanda. Pero algo cu tin cu remarca si ta cu Hulanda ta haci un bon trabou educando su pueblo. Te hasta riba banco su entrada ta poni “let op, geld lenen kost geld” y na luga di encurasha hende pa tuma debe nan ta encurasha hende pa spaar. Na Hulanda, nan ta haci todo por todo pa hende no hinca nan mes den debe. Sorry pero mino por bisa mescos pa Aruba, ya cu mino por drenta un supermercado sin scucha un propaganda di island finance purbando di convencemi cu un prestamo lo salba mi bida. Banconan sa cu cosnan ta preta awo dus ta tempo pa market fiamento di placa mas hopi cu ta posibel. Segun ma scucha den e debate di cada 1 florin cu nos haya, actualmente un 85 cent ta bay pa paga debe. Increibel di berdad.

Mino ta un experto den finanzas, mi ta hopi encontra hende cu ta kere ta nan lugar pa bisa hende cu ya caba ta pasando den duro con pa uza e tiki placa cu nan tin. Mi ta encontra hende cu ta pensa cu pobresa tin un solo cara of cu djies pasobra un hende tin un Iphone e no por ta pasando den duro. Esaki ta djies un recordatorio, cu nos ta pasando den temponan duro, cu cos tabay bira mas duro ainda. Un recordatorio,  pa no cay pa e trampanan aki di debenan cu interes abou, cu keda 6 luna sin paga, cu por paga pa luna, cu bla bla bla. Mara faha mi hendenan, prome cu nan marabo. Nos no por biba pa impresiona hende, mi hendenan.
Ban sea conciente riba kico y con nos ta gasta e poco cu ta resta, pasobra pa nos, e ciudadonan comun y coriente cu no ta cay bou e circulo elite di politiconan, cos no ta pinta bunita.