UTRECHT – Mi hendenan, con bay! Kibanda tin frieu, ambiente, bomboshi y e ultimo 7 siman di scol. Un poco mas y por te hasta sinti e smaak di libertad. Pero bon ban papia, pasobra mi tin sopi ta keinta na Aruba y mi ta pura pa yega mi come prome otro pasa bay cune.

 

Ey miho mi lemai, nos no ta kinan pa papia di aventuranan amoroso cu tin planea pa zomer.
Na final, mi ta hoben y fabuloso, mi tambe merece gosa toch? Ma bon. Ta asina cu dia di labor ta tras di lomba. Mi tabata tin un idea basta cla di kico mi kier a discuti cu bosonan e siman aki. Inicialmente mi kier a papia di con hopi trabou emocional y intelectual nos ta haci dia aden y dia afo pa otro sin cu nos mes realisa. Papia di trabounan manera por ehempel un bartender of un artista cu ta haci tattoo, cu ta trabounan cu tin un carga hopi emocional cu nan pero hende no ta wak e asina of miho bisa no ta wordo condiciona pa wak e asina. Tin hende cu ta bin bar pa bebe y desahoga nan pena y sin cu nan realisa nan ta pone e bartender shift di un hende cu ta prepara bebida pa un confidente. Of, e persona cu ta bin pa tattoo e cara di su mayor na un parti di su curpa y ta caba na conta e artista full e storia di su bida, llora, etc, etc.

Mi tabata di profundisa mi mes den e topico aki, te ora cu mi a topa cu un articulo di un muhe hoben y Latino cu a caba di gradua na Universidad UC Berkeley na Merca y a duna su mayornan tur e credito pa su logro. E articulo ta subraya un potret di e hoben para mey mey di un campo cu su capa di graduacion cu su mama y su tata banda di dje. E hoben ta conta con el a crece cu resentimento contra su mayornan pa motibo cu nan no tabata tin mucho educacion, e tabata frustra cu nan no a persigui un educacion mas halto y tabata haya su mes ta bisa cosnan violenta na su mama manera “Ami no tabay ta kens manera abo, ami tabay universidad mi biba un miho bida”. Esaki tabata pasobra, segun e hoben den su rebeldia e no por a mira su mama como algo mas cu djies su mama. E no por a wak e sin e titulo, sin sa cu su mama, prome cune tabata un hende cu su propio soñonan tambe y pa motibo di pobresa no por a sigui scol. E hoben ta conta cu e no tabata necesariamente wak trabou di campesino manera un trabou malo pero e tabata resenti ta pober y e tabata sa masha bon cu si tin un chens cu e lo sali di pobresa e lo mester ta pa medio di educacion.

 

E storia a conmovemi, miso cu miso a bira emocional den mi camber. Pasobra den un manera
mi por a identifica cu e hoben. Creciendo, mi a wak mi mama y mi tanta traha super duro pa hiba ami y mi primanan dilanti. Latina, sin mucho educacion nan tabata haci tur cos desde bende cuminda, haci oficinanan limpi te na cuida yiu di hende etc. Y desde chiki mi tambe ta traha duro mescos cu nan, desde yena saco na supermarket, laba auto, baña cacho di e bisiñanan no tin algo cu mino a haci. Mi a crece rond di otro muchanan cu tabata tin mayornan cu tabata tin bon trabou, sinembargo mi no tabata tin un mal imagen di e trabounan cu mi mama y mi tanta tabata haci tampoco. Mi djies tabata sa cu e ta duro y nan tabata pusha nos pa studia pa nos no traha mes duro cu nan. Pero kico yiu, cu 14 aña ta yena saco na super market ta masha great mi tabata sinti ta yega cas cu mi 60 florin. Ey, ambiente!
Te dia cu mi tabata na un fiesta y un guy cu tabata den mi klas dilanti tur hende, den un tono ignorante a bisami “Ey yakari, ma wak bo mama ta slice keeshi na Bo Wah Supermarket”. Su intencion tabata pa ponemi sinti laaf pero ami a bira conteste “Bo kier mi ta ofendi? Bono a wak e ta horta tog? Ba wak e ta traha!”. Esey si, e dia ey tabata e dia cu puntje a kom bij paaltje den mi bida. Esey tabata e dia cu mi a realisa e asociacionnan cu hende tin cu cierto tipo di trabounan y con nan por uza esaki pa menosprecia otro. Mi hendenan, no tin ningun trabou na mundo cu no ta digno mientras e ta wordo haci cu integridad y balentia.
Nunca, nunca purba ofende hende cu ta traha den un manera honesto pa nan biba.
Pasobra sino lo tabata pa e hendenan balente cu ta lanta tur piki sushi, nos no lo tin

cayanan limpi. Tur trabou na mundo merece respet, te hasta esunnan cu bo ta spera cu nunca bo lo tin cu eherece.

 


Gratitude to the beautiful Alejandra Lopez, who sincere honesty inspired this column.
You make me, and all other Latinas around the world proud.

 

 

“this one’s for you mami, porque la mensa soy yo. because supposedly i came to UC Berkeley to become smart but i now realize that everything good i’ve learned has always been from you. and i can only aspire to be as smart, funny, beautiful, and chingona as you.
gracias mami y papi for all the dichos, reflections, jokes, roasting, and love that y’all have given me, even at my worst of times. los amo <3 <3″ – Alejandra Lopez