UTRECHT – Mi hendenan, Bon siman! Despues di un siman intenso, llorando pena di mundo henter mi di ta basta! Ta ora di pinta cara color di speranza y sigui bay dilanti!
Kiermen ban saca positivismo di unda no tin y confronta bida.

Pensando riba e edicion di siman pasa, pa esunnan cu no ta corda e tabata tocante tur e desgracia cu tin riba mundo y con tin ora mino por mira sentido na nada. Purbando di saca mi mes di e escuridad cu mi tabata parse di ta cay aden ma bay analysa. Misa boso ta wak mi ta gosa riba Facebook y Instagram y kere cu mi ta na Hulanda ta saca selfie na yen stad na luga di siña. Cual ta mas tanto berdad, pero ataki un poco di locual mi a siña den les.

Ta asina cu tin un theoria cu yama “mean world syndrome”. E Theoria aki a wordo crea pa medio di estudionan haci pa un meneer yama George Gerbner. E theoria aki ta argumenta cu hende cu ta pasa hopi tempo ta wak television ta mas vulnerabel na kere cu mundo ta un luga mas horribel y peligroso di locual den berdad e ta. E “mean world syndrome”  ta parti di e “cultivation theory” cual ta studia con e efectonan di wak television a largo plazo ta afecta bida humano. E estudio ta basta bieu si y el a mira hopi critica tempo di su tempo.
E critica mas grandi tabata cu e definicion di violencia di Gerbner tabata uno mucho chikito.

Tumando en cuenta cu tin hopi diferente forma di violencia y no ta tur hende ta reacciona mesun cos. Pero ya, television ta pertence na metodonan di media bieuw y awo den e era digital podise tin otro manera di midi e efectonan di social-media riba hende.

Awo miso ta pensa, porta posibel cu siman pasa ma haya mi mes ta deal cu “mean world syndrome?”  aunke mino ta precisamente wak television?  Ta posibel cu tanto mira mal noticia di CNN riba Twitter, Facebook, etc a hacimi un poco loco? Tuma tempo pa recarga energia ta importante. Podise, nos por cuminsa cuestiona cu kico nos ta yena nos mente y con esaki ta afecta nos. E no lo ta mal idea pa “detox” un poco y mino kiermen midi kico nos ta come, aunke esey tambe ta hunga un rol. Sino mas bien pasobra dia pa dia nos ta wordo exponi na tanto storia, statusnan, imagennan cu sin cu nos sa nos mente ta drenta over-drive.

y e esaki ta influencia nos actitud y nos manera di percibi cosnan. Desde programanan violento, na canticanan vulgar, na ta rond di hende cu actitudnan pisa. Lo ta bon pa hala nan tur un banda un rato. Bon, ami ta djies bisa.  Djies duna un poco unsolicited advice.

Anyways mense, semana santo ta tras di lomba. Mi ta spera tur hende a goza y reflexiona un poco riba nan bida. Nos ser humano ta cosnan raro berdad, nos tur sa cu coneu no ta pone webo pero tog nos ta celebra. Cosnan sin mucho sentido, hopi biaha ta yena nos bida cu alegria pues no ban cuestionanan. Por si acaso bo a lubida, corda cu tur dia ta e prome dia di e resto di bo bida. Y pa esunnan cu mescos cumi, a cabi sali di un terremoto emocional, pinta bo cara color di speransa y sigui dilanti.  Manera nan ta bisa Pa’lante es paya! Go get them.