UTRECHT – Wel, mi hendenan. Prome cu tur cos un hende please bisami con mi filter e palabranan  “Donald Trump” di mi newsfeed riba tur media social? Pa por lo menos 7 luna te ora mi recupera mentalmente di tur su malicia? Mi no por mas. Mi ta exhausto, fada, hostina, etc.

 

Awo, mi tin un topico un poco serio cu mi kier papia di dje. Un cu mi ta pensa masha poco hende ta tuma na serio pasobra hende ta underestimate e poder di tin bon amistadnan den nan bida, mescos nan ta underestimate e poder cu un amistad tin pa kibra bo curason. Un cos di Hulanda, den mi perspectiva ta cu bida riba su mes, ora bo ta un studiante ta uno hopi solitario. Si bono sera bo bon grupo di amigo of busca actividadnan pa haci despues di scol y ora no tin scol probablemente bo ta caba tira riba cama pa oranan largo ta wak pelicula of pensa riba bo hendenan na Aruba. Ami di berdad a core cu suerte, mi a topa yen hende leuk di diferente cultura cu kendenan mi a sera amistad. Den mi circulo di amigo, pa esunnan cu ta siguimi via Facebook bo por wak cu tin Armenia, Italia, Vietnam, Brazil etc. Ta hopi bomboshi ora nos ta hunto yiu. Pero, manera bida ta dicta no ta tur cos ta perfecto y tin ora nos tur ta bou presion sea cu scol, heimwee, problemanan personal y tin ora nos ta papia malo cu otro, rabia, bringa, maar ja that’s how it goes.

Tambe tin personalidadnan cu ta mas dominante cu otro y den e grupo tin e lider, e siguido, e payaso, esun emocional, esun cu semper ta fiesta, etc. Den un manera, amistadnan na Hulanda tin un otro significado cu amistadnan na Aruba, pasobra na Aruba con cu bay bin mi tin famia tambe. Na Hulanda, bo amigonan ta bo tur cos si bono tin familiar. Pero ora un amistad cuminsa bira toxico, ora bo amiga of amigo stop di ta e motibo pakico bo ta hari asina hopi y cuminsa bira un fuente di insiguridad kico bo ta haci? Cerca ken bo tabay?

Pakico e dolor di curason di wordo lastima pa un amigo, no ta wordo tuma mesun serio
cu ora bo kibra cu un pareha of ora bo bringa cu un familiar? Nos tur sa di e amigonan ey kende nos semper ta duna un 100% di nos y nan ta duna nos un 32% di nan, pero tog nos ta keda. Dicon nos ta haci esey cu nos mes? Di experiencia propio mi por bisa cu mi a keda den amistadnan toxico pa hopi largo, cu mi tabata haci excusa pa e manera manipulativo y negativo cu cual hendenan cu algun dia mi a yama amigonan a tratami. Cu mi a duna y duna y duna te ora mi mes a keda sin nada y ora nan a traicionami, otro hende tabata bisami “no haci dimas, stop di yora pa hende kens”. Ken sa, podise ami tambe tabata e amiga toxico un biaha.

Recientemente mi a perde un amistad aki na Hulanda, claro cu mi tabata tin mas amistad pero e amiga aki mi tabata stima mas cu tur otro. Ban yame Elsa, Elsa tabata special pasobra Elsa tabata di Curacao y e tabata tin mesun contexto cultural cumi. Cu Elsa 2or di madruga tabata bati den bar y ainda nos tabata bebe mojito y hari e tur e cosnan cu tabata pasa riba nos islanan, over di con diferente hende Europeo ta. Elsa tabata papia Papiamento y pami Elsa a bira un cas leu di cas. Un dia Elsa a stop di papia cumi. Asina, sin motibo, sin rason el a tumami manera un tres dia pa realisa cu no ta cu eno kier papia, (pasobra Elsa tabata poco moody y e tabata tin su dianan) ta djies cu e ta kies pa ignorami. Elsa ta den mi klas y tur dia mi tin wak e y pretende cu e echo cu el a dicidi di tirami un banda no ta hacimi dolor. E palabra “amistad” tin un significado grandi, e ta un palabra cu por salbabo pero por destruibo tambe. Ami sa cu si Elsa algun dia bin bek y didici di pidi sorry, mino lo tume bek. Pasobra mi ta pensa, pakico duna un hende cu a tratami manera cu mino ta bal nada un otro oportunidad? Pa nan bolbe hacie? Kico abo ta pensa? Bo lo tuma bek un amistad cu a kibra bo curason pasobra boso tin mucho historia of bo lo laga historia keda historia y spera pa mi miho amistadnan den futuro?  Un amistad mescos cu tur otro relacion ta un compromiso y di berdad, si bono kier compromete ta miho bo bula afo.

Has one comment to “Un curason kibra tin diferente cara”

You can leave a reply or Trackback this post.
  1. Michelle - January 31, 2017 Reply

    Bosa, mita completamenta mee eens cubo. Numa tin hende ta collecta friends mane ta medalla nan ta y no ta realiza ki anan mes kiermen pe persona. Tin cu djis no tin e gevoel di friendship, nan ta make friends as a means to an end. I met them all. Y e unico friend cu ma duna un chance ta esun cu a bin pidi sorry, paso it takes courage y mane porta e friendship ey cu mi a duna un chance no tei mas, pero it felt fair at that moment. Especialmente paso e persona ki twtin su mesun issues and I got issues too so mino por a juzge. E problema a bira echter cu ma duna varios chance kwal ja after the second time cu ela hurt me, mi mester a draw the line. Yet bosa mita kere den duna second chances, perhaps not third, pero definitely second ones. E otronan cu a hurt never bothered to come back. So it’s a big deal when someone does.

Leave a Reply