UTRECHT – Hesuse, ta December. Asina ey, gewoon, e ultimo luna di aña a yega manera nada. Petje af pa 2016, pasobra tur e payasada y desgracia cu a pasa e aña
Ta haci 2016 algo simplemente historico. Ken tur ta cla pa haya bonus? Ken tur ta cla
come ham te rebenta?

E semester aki ta uno sumamente duro na scol. Mi ta kere pa prome biaha mi ta cuestionando mi capacidad mental di berdad pasa mi materianan cu bon punto. Kico tin “Den mi Cabes” ? Pa ta honesto, yen termino di marketing, brandawarness, business models, targeting an audience etc. Den bon Spaño, me estoy volviendo loca. Poco vak cu no tin ni pia ni cabes. Mi a pensa mi a drenta un universidad pero tur dia mi ta mas convenci cu mi a drenta iluminati pasobra mi scol kier mi mente, mi alma y mi curpa tambe. E pret ora bo ta studiando media y communicacion ta cu bo ta haya asina  tanto informacion cu manera nan ta bisa ta “behind the scenes”. Awo mi ta hari propaganda di television, mi ta analysa advertencianan riba Facebook, mi ta cuestiona cierto frase cu companinan ta uza. Masha “professional” mi ta pensa mi ta.
Pero he, ta december, wanta duro pasobra tur e companianan aki fo ta mas cu cla pa laga tur hende cartera bashi. Hunto nos tur lo yora na January.

December ta un luna cu semper ta bin cu hopi nostalgia. Tin hende ta stima december mas cu tur cos y ta go all out. Tin cu ta comparti delaster un regalo cu nan ta haya riba social media y tin ta disparce di media social full december simplemente pasobra e ta haci nan mas tristo ainda. Hopi hende tin motibonan hopi valido pa no celebra, sea nan a perde un ser keri of nan ta leu di esunnan cu nan stima. Esaki ta e temporada cu yen compania kier pretende di haci bon pasobra responsabilidad social ta un trend den mercadeo y ora un hende ta cumpra na un luga cu ta haci bon, nan ta sinti bon tambe. Temporada di food-drive’s, parti basket, haci obra di caridad y comparti cu prohimo, etc. In December, we suddenly remember…tur e hendenan menos afortuna cu facilmente nos a ignora resto di aña.

Algo cu mi ta desea mas hende por a comprende si ta cu nan mester stop di uza otro hende nan dolor pa alivia nan mesun situacion. Cuanto hende no ta sufri pa un of otro motibo y semper tin un cu ta grita “ay pero otro tin e pio cubo dus bo mester ta agradecido”. Esaki ta e luna cu tur hende ta cuminsa “realisa” con bendiciona den berdad nan ta, mientras cu nan a keha pa delaster un cos chikito riba Facebook henter aña. Ora bo ta feliz bo no ta worry cu ken ta mas feliz cubo, pero ora tristesa dalbo bo kier busca ken ta mas tristo ainda pa consola bo mes. Sin sa cu ta hopi hende tin absolubtamente tur cos, ta mustra feliz pero ta sinti miserabel dia aden y dia afo. Pues si nos ta cuminsa busca pa compara ken ta bendiciona y ken no, nos lo busca pa semper pasobra hopi cos no ta locual nan ta aparenta di ta. Cu un bon telefon, bou di bon luz, tiki make-up y un smile ken cu ta por mustra manera cu nan ta feliz.  E december ki haci bon, duna bek na bo comunidad, comparti, papia di gratitud. Pero porfabor, haci esaki pasobra e ta sali dibo, pasobra December ta duro pa algun hende. Pretende cu ta 1960 y no tin Facebook cu Instagram, laga bay di bo ego, di bo necesidad pa likes y elogio. Esunnan cu tin yiu chikito, spera bo dunanan mas cariño cu regalo material, spera bo no pone e mucha den un shimis y bachi bunita, saca su potret, pone riba Facebook y ignora e mucha pa resto di dia manera hopi ta haci. December to remember, remember kico di berdad ta importante,

Leave a Reply