ORANJESTAD – Ay, por ay mi a tende cu haltura ta nos cultura. Wel, mi a yega algun dia pasa y mi a bebe casi tur dia pero….! Mi ta haya cu despues di un aña basta intenso mester admiti e realidad y duna cesar locual ta di cesar. Nos hende de isla ta dushi y mino kier tende otro.

Di berdad, mi a bin Aruba december pasobra mi tabata core riba empty ora e tabata yega na contexto cu directamente ta relaciona cu e isla. E ta duro pa skirbi tocante cosnan cu bono ta mira cu bo mesun wowonan, e ta duro pa duna opinionnan concreto tocante bo comunidad ora bo no tey. Pero mas mi bay y mas mi bin bek, mas mi ta comprende e loyal visitors ney cu ta haya certificado pasobra nan tin 25 aña tray otro ta bishita Aruba tur zomer. Claro cu pa nos cu ta bay y bin, nos tin otro perspectiva cu esunnan cu ta biba akinan. E ta un tiki tristo pa pensa si cu mi mester a subi un avion y bay 10 ora leu pa por comprende di berdad con bunita hende Caribense en general ta y con hopi mi tabata ‘take for granted’ manera nan ta bisa.
Kico ta haci nos asina cordial y amabel, di berdad minosa. Tin algo den aire, nos ta dushi hende. Asina cu tur nos defectonan, cu tur locual nos no sa, cu tur nos limitacionnan, cu tur nos gana di husga y haci dimas constantemente. Na Aruba, unda cu bo yega nan ta bisabo bon dia, hende ta pidi sorry si nan dal den bo, nan ta puntrabo con a bay, nan ta corda bo cara. Na Aruba, e cashier nan ey cu bo ta frecuenta na supermarket cu tempo ta bira un parti dibo, e guy cu ta pomp gasolin ta bira bo amigo, bo juffrouwnan di scol ta pendiente di bo bida pafo di scol.

Pues “Den mi cabes” e siman aki, tin e comunidad cu a criami. E comunidad cu ta yama tur hende “dushi”, esun cu ta go the extra mile pa abo sintibo bon. Laga un banda con nos tur ta decepciona otro tin biaha y pensa mas leu. Pensa riba cuanto biaha bo sucu a caba y bo a djies core bay serca bisiña y puntre pa un tiki. Pensa riba tur bo primo y primanan cu nunca ta bisa ki ora nan ta yega, nan djies yega cas y bebemento di coffee ta bira un fiesta.
Con riba e isla, un stranhero cu un simpel con bay ta bira bo amigo.
Prome mi bira mucho emocional, mi djies kier bisa mi stima Aruba.
Awe, mañan y semper.

Leave a Reply